Su Guatemala puru movit s’ambasciada a Gerusalemme

Su Guatemala sighit Trump e at a oberri s’ambasciada sua in Gerusalemme. Dd’at fatu sciri su Presidenti Morales in Facebook

Ambasciada de Guatemala in Gerusalemme

Su Guatemala puru at a movi s’ambasciada sua de Tel Aviv a Gerusalemme. Dd’at fatu sciri su Presidenti de su Stadu Americanu Jimmy Morales in unu post in Facebook.

Arreconnoscendi a Gerusalemme comenti capitali de su Stadu de Israele su Guatemala est su primu stadu a sighiri s’andala de is Stadus Unius de Trump.

“Oi apu chistionau cun su premier Netanhiau apitzus de is raportus nodius intra de is stadus nostrus de candu su Guatemala at sustènniu sa nascida de Israele. Eus chistionau puru de su trasferimentu de s’ambasciada nostra de Tel Aviv a Gerusalemme. Apu donau istrutzionis a su Ministru de is Esteris po studiai sa cosa” at scritu Morales.

Su Guatemala est stètiu unu de is stadus – funt noi – chi no ant votau su scabullimentu de s’Onu de pagu diis fait chi cundennat sa decisioni de Trump. Is àterus Stadus a no ddu votai funt stètius, – impari a is Stadus Unius e a Israele – Honduras, Ìsulas Marshall, Micronèsia, Nauru, Palau e Togo.

de Boxis