Catalùnnia, Rajoi arrefudat de atobiai Puidgemont

Primas mòvidas pustis is eletzionis de innantis ariseru in Catalùnnia. Puidgemont proponnit de atobiai a Rajoi ma issu arefudat.

Eletzionis in Catalùnnia

Pustis is eletzionis in Catalùnnia bintas de is indipendentistas – chi perou no ant otènniu sa majoria de is votus – tocàt a biri chini s’iat a essi mòviu po primu.

Sa primu mòvida dd’at fata Puidgemont, chi de Bruxelles at fatu sciri chi issu iat a podi atobiai a Rajoi, perou no in Ispagna ma in un àteru Stadu “neutrali”. Luegu Rajoi at arrefudau sa proposta e arrespondendi a is giornalistas at nau chi issu iat a depi atobiai no a Puidgemont, ma a Ines Arramadas, sa leader de Ciudadanos, su partidu unionista chi est stètiu su prus votau me is eletzionis de innantis ariseru.

Rajoi at nau puru chi siguramenti at a arrexonai cun su guvernu nou de sa Catalùnnia, perou arrespetendi sa lei.

In su mentris Puidgemont at a fai Paschixedda in Bruxelles, ca po issu torrai o nono est una detzisioni polìtica de pigai me is diis a pustis, at nau s’abogau suu.

de Boxis