Su premier nou de s’Àustria Sebastian Kurz contra a s’UE apitzus de s’arricida de is migrantis

Kurz torrat a atacai sa polìtica de is partis de spartzidura de is migrantis portada a innantis de s’UE.

Kurz contra a sa spartzidura de is migrantis

Su premier nou de s’Àustria, Sebastian Kurz, torrat a pitzus de sa chistioni de is migrantis e afirmat chi est contràriu a is partis de spartzidura me is Stadus europeus. Po Kurz difatis is migrantis chi arribant in Europa no bolint andai in Bulgaria o in Ungheria ma in Germània, Àustria o Svètzia.

“A custringi is Stadus europeus a accòlliri is disterraus no at a agiudai s’Europa” at nau Kurz in un’intervista a su giornali tedescu Bild and Sonntag. “Chi sigheus de aici eus a dividi s’Unioni Europea e is Stadus ant a decidi donniunu cantu genti accòlliri” at aciuntu su premier austrìacu, chi ghiat una coalitzioni de dereta e de dereta estrema.

S’Europa, po Kurz, iat a depi sustenni, is sfortzus po agiudai is migrantis me is Stadus insoru, finas po mori de is militaris.

Giai candu fiat Ministru de is Affaris Esteris Kurz iat criticau sa polìtica de arricida portada a innantis de sa premier tedesca Angela Merkel.

deBoxis