Note de Nadale

Bonas Pascas de Nadale dae sa redatzione de Boxis a totu su mundu. Chi siat una die de paghe e amore.

Gosos de Nadale

O Deus t’adoro
Sende artu Messia
Dormi vida e coro
Reposa a ninnia

In su chelu d’oro
un’isteddu lughet
su Nadale giughet
gosos in su coro
prendas e tesoro
de paghe e poesia.
Dormi vida e coro
reposa a ninnia.

Est note de chena
Gesùs isetende
su coro tremende
de amore est prena
sa domo sulena
chi festat sa maghia
Dormi vida e coro
Reposa a ninnia

Gesùs est naschende
nois pro Lu festare
nois pro L’adorare
gosos intonende
e rimas cantende
oh durche melodia
Dormi vida e coro
Reposa a ninnia

Note de Nadale
naschet su pitzinnu
de paghe su sinnu
frore virginale
chi binchet su male
donende armonia.
Dormi vida e coro
reposa a ninnia.

de Manuela Ennas