Sondàgiu polìticu Ixè. Comenti iant a votai oi is italianus

Po s’ùrtimu sondàgiu polìticu de s’Isitutu Ixè andat mali su PD, crescit su M5s.

Sondàgiu polìticu Ixè

Po s’ùrtimu sondàgiu polìticu de s’Isitutu Ixè, po sa primu borta su Partidu Democràticu calat asuta de su 23% de is consensus. Su PD at inghitzau a ndi calai me is sondàgius pustis sa metadi de su mesi de ledàmini e s’àndala no s’est firmada prus.

Duus mesis fait su partidu de Renzi fiat a su 27%, oi est a su 22,8%. Sa calada asuta de su 23% est coincìdia cun sa cida de polèmicas apitzus de s’ex ministra Maria Elena Boschi po su chi pertocat s’allega de sa Banca Etrùria.

Su M5s sighit a cresci e arribat a su 29%. At guadangiau 1,5 puntus sceti in s’ùrtima cida.

Po su chi pertocat su centru dereta, Fortza Itàlia crescit finas a su 16,2% – duus mesis fait fiat a su 15% -. Sa Lega Nord calat a su 12,1%. Custa àndala no mudat de calincuna cida.

Liberi e Uguali, su partidu nou de manca ghiau de Pietro Grasso, no perdit consensus ma no crescit. Su sondàgiu polìticu ddu donat a su 7,3% de is consensus.

de Boxis