Annu Nou. Logos pro ddu festare

Is tzitades in ue is italianos ant a isetare sa lòmpida de s’Annu Nou.

Logos pro festare s’Annu Nou

Is italianos pro is festividades de s’Annu Nou ant a èssere in biàgiu mescamente in is capitales europeas: chi Londra dd’ant seberada pro Pasca de Nadale, pro s’Annu Nou sa tzitade in ue ant a andare de prus est Amsterdam.

In Itàlia, Roma, Firenze e Nàpoli sunt is tzitades prus agradèssidas; intre is regiones, su Trentinu Südtirol est in conca e paret chi non si ddoe agatet prus logu pro dormire pro s’ùrtimu de s’annu.

Custos sunt is datos chi su motore de chirca Trivago at rilevadu dae is chircas fatas in sa prataforma italiana in custu tempus.

Duncas sa tzitade chi is italianos ant seberadu de prus est Amsterdam, imbetzes in Itàlia est Roma sa primu meta pro festare s’arribu de s’Annu Nou, sighida dae Londra e Parigi. Firenze, Nàpoli e Venètzia abarrant is prus seberadas pro chi detzidet de festare in Itàlia; mentras, pro chi at a seberare s’èsteru, Praga, Vienna e New York sunt is metas prus disigiadas pro saludare s’Annu Nou.

Livigno est su primu sèberu in Itàlia pro chi bolet fàghere is vacàntzias in sa nie, sighida dae Bolzano e Cortina De Ampezzo. Sa regione in ue ddoe sunt prus prenotatziones pro custu agabbu de annu est su Trentinu Südtirol chi pro sa note de su 31 de mese de Idas paret non tèngiat prus mancu unu logu lìberu. Ocannu s’àere niadu giai meda in is meses colados est istadu de profetu pro s’istajone turìstica de s’ierru.

de Boxis